Fréttir


Auglýsing um styrki úr Orkusjóði 2004

18.3.2004

Umsóknarfrestur er til 15. apríl 2004.

Í 2. grein reglugerðar um Orkusjóð nr. 514/2003 eru tilgreindar heimildir til styrkveitinga úr Orkusjóði.

“að veita styrki eða áhættulán til hönnunar eða smíði frumgerðar tækja og búnaðar til rannsóknar og nýtingar orkulinda”

“að veita styrki til sérstakra verkefna á sviði hagkvæmrar orkunotkunar, þ.m.t. til fræðslu og upplýsingastarfsemi”

“að veita styrki til verkefna sem stuðla að nýtingu á innlendri orku í stað jarðefnaeldsneytis og styrkja alþjóðasamvinnu um slík verkefni”
         
Á árinu 2004 hefur Orkusjóður 30 milljónir króna til ráðstöfunar til styrkveitinga.

Leitað er umsókna til verkefna á eftirtöldum sviðum:

a.    Verkefni sem leiði til hagkvæmrar orkunotkunar
       Sérstök áhersla er lögð á:
       1.   að stuðla að hagkvæmri orkunýtingu og orkusparnaði
       2.   að afla þekkingar á þessum sviðum og miðla henni
       3.   að hvetja til rannsókna- og þróunarstarfs er að þessu miðar

b.    Verkefni sem leiði til minni notkunar jarðefnaeldsneytis
       Sérstök áhersla er lögð á:
       1.   hönnun eða smíði tækja og búnaðar
       2.   þekkingaröflun og samstarf
       3.   nýjar leiðir til orkuöflunar/orkuframleiðslu


Umsóknarfrestur er til 15. apríl 2004.  Umsóknum skal skila til Orkusjóðs, Rangárvöllum, Pósthólf 102,  602 Akureyri á eyðublöðum sem þar fást.  Einnig má nálgast eyðublöðin á heimasíðu Orkustofnunar os.is  Frekari upplýsingar eru veittar hjá Orkusjóði í síma 4601385, 8944280, netfang  jbj@os.is

Umsóknareyðublað á pdf formi.
Hægt er að fylla eyðublaðið út á skjánum og prenta það svo út.

Auglýsing um verklagsreglur Orkuráðs við meðferð láns- og styrkumsókna úr Orkusjóði. (pdf)

Orkuráð