Fréttir


Ráðstefna um umhverfiskostnað 27. október 2005

18.10.2005

Umhverfiskostnaður er hugtak sem rutt hefur sér til rúms á undanförnum árum. Hugtakið vísar til þess að nauðsynlegt sé að verðleggja umhverfið áður en farið er í ýmiskonar framkvæmdir og framleiðslu og að umhverfiskostnaður sé mikilvæg breyta þegar spáð er fyrir um hagnað framkvæmda.

Ráðstefnan verður haldin 27. október 2005 kl. 8:30-14:30 á Grensásvegi. Á henni verður m.a. leitað svara við eftirfarandi spurningum:

  • Er nauðsynlegt að setja verðmiða á umhverfið?
  • Hvernig á að meta verðgildi umhverfis við framkvæmdir?
  • Hvernig á að meta raunverulegt virði umhverfisins – er hægt að verðleggja ár, vötn og víðerni?

Auk þess verður fjallað um aðkomu Íslendinga að Kýótó-bókuninni svonefndu og aðferðafræði Rammaáætlunar.

Ráðstefnustjóri:Tryggvi Felixson, framkvæmdastjóri Landverndar

Ráðstefnan verður haldin í nýjum sal á 1. hæð í Orkugarði, Grensásvegi 9, 108 Reykjavík. Öllum er heimill aðgangur að kostnaðarlausu meðan húsrúm leyfir, en skráning er nauðsynleg á heimasíðu Orkustofnunar.

Dagskrá ráðstefnunnar


Tími    
8:30    Skráning
9:00      Ágúst Valfells, Orkustofnun/Háskólanum í Reykjavík: Inngangur, m.a. hlutverk Vettvangs um vistvænt eldsneyti
9:20      Jónas Haralz, fyrrv.bankastjóri: Það sem kemur fyrst ...
9:40      Geir Oddsson, auðlindafræðingur: Umhverfiskostnaður
10:00    Magnús Jóhannesson, ráðuneytisstjóri Umhverfisráðuneytinu: Útstreymisheimildir, Kýótó og Ísland
10:20    Kaffi
10:40    Sveinbjörn Björnsson, Orkustofnun: Aðferðafræði Rammaáætlunar
11:00    Árni Snorrason, forstöðumaður Vatnamælinga Orkustofnunar: Hvernig er hægt að leggja mat á  ávinning af upplýsingum um auðlindir og umhverfi?
11:20    Ólafur Árnason, Línuhönnun: Aðferðir við mat á áhrifum framkvæmda á landslag
11:40    Halla Jónsdóttir, Iðntæknistofnun: Úthrif virkjanaframkvæmda
12:00    Matur
13:00    Bjarni Diðrik Sigurðsson, Landbúnaðarháskóla Íslands: Kolefnabinding skóga
13:20    Þráinn Friðriksson, Ísor: Náttúrurleg koltvísýringslosun jarðhitasvæða
13:40    Ólafur Páll Jónsson, heimspekingur KHÍ: Er umhverfið og gæði þess til sölu? - siðferðilegar hliðar markaðsvæðingar
14:00    Samantekt fundarstjóra
14:30    Ráðstefnuslit

frett_18102005_1
Ágúst Valfells hélt inngangsfyrirlestur á ráðstefnunni

frett_18102005_2
Fundargestir hlusta með athygli