Fréttir


Styrkveitingar úr Orkusjóði

6.2.2005

Í 2. grein reglugerðar um Orkusjóð nr. 514/2003 eru tilgreindar heimildir til styrkveitinga úr Orkusjóði.

“að veita styrki eða áhættulán til hönnunar eða smíði frumgerðar tækja og búnaðar til rannsóknar og nýtingar orkulinda”

“að veita styrki til sérstakra verkefna á sviði hagkvæmrar orkunotkunar, þ.m.t. til fræðslu og upplýsingastarfsemi”

“að veita styrki til verkefna sem stuðla að nýtingu á innlendri orku í stað jarðefnaeldsneytis og styrkja alþjóðasamvinnu um slík verkefni”

Á árinu 2005 styrkir Orkusjóður verkefni á eftirtöldum sviðum í þeim mæli sem fjármunir hans hrökkva til:

    a.    Verkefni sem leiði til hagkvæmrar orkunotkunar
           Sérstök áhersla er lögð á:
           1.   að stuðla að hagkvæmri orkunýtingu og orkusparnaði
           2.   að afla þekkingar á þessum sviðum og miðla henni
           3.   að hvetja til rannsókna- og þróunarstarfs er að þessu miðar

    b.    Verkefni sem leiði til minni notkunar jarðefnaeldsneytis
           Sérstök áhersla er lögð á:
           1.   þekkingaröflun og samstarf
           2.   nýjar leiðir til orkuöflunar/orkuframleiðslu


Umsóknarfrestur er til 4. mars 2005.  Umsóknum skal skila til Orkusjóðs, Akureyrarsetri Orkustofnunar, Borgum við Norðurslóð, Pósthólf 102,  602 Akureyri. Umsóknareyðublöð fást á skrifstofu sjóðsins og einnig hér á síðunni.
 Frekari upplýsingar eru veittar hjá Orkusjóði í síma 5696083, 8944280, netfang  jbj@os.is

Umsóknareyðublað á pdf formi.
Hægt er að fylla eyðublaðið út á skjánum og prenta það svo út.

Verklagsreglur Orkuráðs við meðferð láns- og styrkumsókna úr Orkusjóði. (pdf)

Starfsmaður Orkusjóðs er Jakob Björnsson, jbj@os.is