Fréttir


Niðurstöður Alþjóða orkuþingsins í Sydney

26.1.2005

Dagana 5.-9. september 2004 hélt Alþjóða orkuráðið (World Energy Council, WEC) 19. alþjóðaráðstefnu sína í Sydney í Ástralíu. Ráðstefnan sendi frá sér samandregnar niðurstöður sem hafa verið þýddar á íslensku.

Á ráðstefnunni var lagt fram erindið "Sustainable generation and utilization of energy - The case of Iceland". Aðalhöfundur þess er Ágúst Valfells verkfræðingur á Orkustofnun. Í erindinu er m.a. lýst hvaða áhrif nýting endurnýjanlegra orkugjafa, vatnsafls og jarðvarma hefur haft í efnahagslegu tilliti á Íslandi síðustu öldina.

Í Íslandsdeild WEC (ICE-WEC) eru um 25 félagar. Þar eru fulltrúar allra stærstu orkufyrirtækjanna og nokkurra stofnana og samtaka sem tengjast orkumálum. Formaður ICE-WEC er Þorkell Helgason, orkumálastjóri, en starfsmaður nefndarinnar er Árni Ragnarsson, verkfræðingur á Orkustofnun.

Heimasíða Alþjóða orkuráðsins (WEC): http://www.worldenergy.org