Fréttir


Útgáfufrétt: Orkumál 2005

28.12.2006

Annað tölublað Orkumála 2005 er komið út. Í ritinu er víða komið við og m.a. fjallað um þróun eldsneytisverðs, eldsneytisnotkun, bifreiðaeign, vistvænt eldsneyti og olíuleit við Ísland.
frett_28122006

Blaðið telur 8 blaðsíður í A-4 broti, og er það prýtt fjölda ljósmynda og talnaefni í gröfum og töflum. Umsjón með útgáfunni höfðu Lára K. Sturludóttir, Ragnheiður I. Þórarinsdóttir og Ólafur Pálsson.

Útgáfa 3. tölublaðs Orkumála 2005 er skammt undan, þar sem fjallað er um jarðhita.

Orkumál komu fyrst út árið 1959. Þá var tímaritið gefið út af Raforkumálaskrifstofunni, sem var forveri Orkustofnunar, en síðan hefur Orkustofnun gefið ritið út. Upphaflega voru þar eingöngu upplýsingar um raforku en síðar voru einnig birtar upplýsingar um jarðhita, jarðhitanýtingu og eldsneytismál.

Nálgast má prentuð eintök hjá Orkustofnun, s: 569 6000 eða með því að senda tölvupóst á os@os.is.