Fréttir


Útgáfufrétt: Orkumál 2006/ Eldsneyti

25.1.2008

Að þessu sinni er ritið að miklu leyti helgað breytingum af ýmsu tagi sem urðu á árinu. Þróun eldsneytismála hefur verið ör, bæði hér á landi og á alþjóðavettvangi. Í ritinu er gerð grein fyrir endurskoðun Orkustofnunar á gagnasöfnun og eldsneytisspám. Þá er einnig grein um eyðslueinkunn bifreiða.

frett_25012008Undanfarin ár hefur nokkur uppstokkun átt sér stað í eldsneytishópi Orkuspárnefndar, jafnframt því sem þróun eldsneytismála hefur verið ör, bæði hér á landi og á alþjóðavettvangi. Sífellt auknar kröfur eru gerðar til eldsneytisgagna og spáa, enda koma þau við sögu ýmissa alþjóðasamþykkta s.s. Loftslagssáttmála Sameinuðu þjóðanna og Evrópska efnahagssvæðisins. Orkustofnun hefur brugðist við þessum auknu kröfum með því að endurskoða bæði gagnasöfnunina og eldsneytisspána og er gerð grein fyrir þeim breytingum í ritinu.

Blaðið telur 8 blaðsíður í A-4 broti. Ritstjóri er Lára K. Sturludóttir og Vilborg Anna Björnsdóttir hannaði nýtt útlit ritsins. Ágústa Loftsdóttir og Sigurður Ingi Friðleifsson tóku saman efnið.

Nálgast má prentuð eintök hjá Orkustofnun, s: 569 6000, eða os@os.is.