Fréttir


Orkustofnun veitir leyfi til efnistöku af hafsbotni í Fláskarðskrika, sunnan Syðra-Hrauns í Faxaflóa

15.5.2009

Orkustofnun veitti Björgun ehf. í Reykjavík leyfi til efnistöku af hafsbotni í Fláskarðskrika, sunnan Syðra-Hrauns í Faxaflóa þann 14. maí 2009.

Orkustofnun veitti Björgun ehf. í Reykjavík leyfi til efnistöku af hafsbotni í Fláskarðskrika, sunnan Syðra-Hrauns í Faxaflóa þann 14. maí 2009.

Leyft er að taka allt að 4.200 m3 af skeljasandi í Fláskarðskrika. Leyfið er gefið út til töku skeljasands fyrir Steinull hf., steinullarverksmiðju á Sauðárkróki og Sementsverksmiðjuna hf. á Akranesi. Leyfið er veitt til skamms tíma eða til 1. júní 2009.

Við undirbúning að útgáfu leyfisins var leitað umsagnar Umhverfisstofnunar, sem lögbundins umsagnaraðila, auk Hafrannsóknastofnunarinnar og Siglingastofnunar Íslands.

Orkustofnun hefur eftirlit með framkvæmd leyfisins og skal Björgun ehf. senda Orkustofnun yfirlit í lok leyfistímans yfir magn efnis sem dælt hefur verið upp af hafsbotni í Fláskarðskrika.