Fréttir


Orkustofnun veitir rannsóknarleyfi á jarðhita á Þeistareykjum í Þingeyjarsveit

4.11.2009

Orkustofnun veitti Þeistareykjum ehf. rannsóknarleyfi á jarðhita á Þeistareykjum í Þingeyjarsveit þann 30. október 2009. Rannsóknarleyfið er veitt til fjögurra ára og gildir til 31. desember 2013.

Orkustofnun veitti Þeistareykjum ehf. rannsóknarleyfi á jarðhita á Þeistareykjum í Þingeyjarsveit þann 30. október 2009. Rannsóknarleyfið er veitt til fjögurra ára og gildir til 31. desember 2013.

Þann 23. janúar 2004 veitti iðnaðarráðherra Þeistareykjum ehf. rannsóknarleyfi á jarðhita á Þeistareykjum í Þingeyjarsveit með gildistíma til 31. desember 2008. Í kjölfar þess leyfis var sótt um endurnýjað rannsóknarleyfi á umræddu rannsóknarsvæði.

Við undirbúning að útgáfu leyfisins var leitað umsagnar umhverfisráðuneytis í samræmi við 4. mgr. 5. gr. laga nr. 57/1998, um rannsóknir og nýtingu á auðlindum í jörðu. Einnig var leitað umsagnar landeigenda í samræmi við stjórnsýslulög, nr. 37/1998.

Leyfið tekur til rannsókna á jarðhita og umhverfi til að fá úr því skorið hvort nýta megi svæðið til raforkuframleiðslu samtvinnaðri ferðamennsku og útivist almennings. Niðurstöður rannsóknanna verða nýttar til að gera langtímaáætlun um áfangaskipta virkjun jarðhitans á svæðinu. Takmarkast leyfið við þær framkvæmdir sem kveðið er á um í rannsóknaráætlun. Leyfið felur ekki í sér heimild til nýtingar á jarðhita rannsóknarsvæðisins.

Leyfið