Fréttir


Sérfræðingur í verkfræði raforkumála

21.11.2013

Orkustofnun auglýsir laust til umsóknar starf sérfræðings við eftirlit með framkvæmd raforkulaga.

Helstu verkefni:

  • Eftirlit með því að fyrirtæki sem starfa samkvæmt raforkulögum fullnægi þeim skilyrðum sem um starfsemi þeirra gilda, reglugerðum og öðrum heimildum.
  • Eftirlit með gæðum raforku og afhendingaröryggi.
  • Þátttaka í starfi raforkuhóps orkuspárnefndar.
  • Fagleg aðstoð við stjórnvöld vegna umsagna, eftirfylgni og þróunar lagaumhverfis.
  • Samskipti við erlendar eftirlitsstofnanir og samtök á sviði raforkueftirlits.
  • Þjónusta og upplýsingagjöf á sviði raforkueftirlits.
  • Umsjón með öflun og miðlun gagna á sviði raforkumála.

Hæfniskröfur:

  • Háskólamenntun sem nýtist í starfi, helst á sviði rafmagnsverkfræði.
  • Þekking á orkumálum, sérstaklega á sviði raforku.
  • Reynsla af samskiptum opinberrar stjórnsýslu og orkuiðnaðarins.
  • Sjálfstæði í vinnubrögðum.
  • Gott vald á íslensku og ensku er skilyrði og þekking á einu norðurlandamáli æskileg.
  • Hæfileiki til að koma frá sér efni í töluðu og rituðu máli.
  • Þekking á rekstrarumhverfi orkuiðnaðarins æskileg.
  • Raforkueftirlitið er samstarfsverkefni teymis starfsmanna við Orkustofnun og gerir kröfu um hæfni til ríkra samskipta og sveigjanleika í starfi.

Laun greiðast samkvæmt samningum fjármálaráðuneytis við viðkomandi stéttarfélag.

Orkustofnun stefnir að því að halda jöfnu hlutfalli kynjanna í starfsliði sínu.

Nánari upplýsingar veitir Guðni A Jóhannesson orkumálastjóri, sími 5696000, netfang gudni.a.johannesson@os.is.

Umsóknir með upplýsingum um menntun og fyrri störf berist til Guðnýjar Þórsdóttur starfsmannastjóra Orkustofnunar, Grensásvegi 9, 108 Reykjavík eða á netfang gd@os.is eigi síðar en 13. desember 2013.

Öllum umsóknum verður svarað.

Orkumálastjóri