Fréttir


Málþing um auðlindastefnu í Hörpu

21.6.2012

Málþing um auðlindastefnu verður haldið í Hörpu föstudaginn 22. júni frá kl. 9 til 12.

Nefnd forsætisráðherra um auðlindastefnu boðar til málþings í Hörpu. Á málþinginu mun Arnar Guðmundsson, formaður nefndarinnar, kynna drög að skýrslu nefndarinnar og helstu tillögur um auðlindastefnu. Sérstakur gestur málþingsins og fyrirlesari er Philip J. Daniel, yfirmaður skattastefnusviðs Alþjóða gjaldeyrissjóðins og sérfræðingur í skattlagningu auðlinda.
Dr. Daði Már Kristófersson, dósent í auðlindahagfræði við hagfræðideild Háskóla Íslands mun gefa yfirlit yfir helstu sjónarmið sem taka þarf tillit til við gerð auðlindastefnu og rýna í tillögur auðlindastefnunefndarinnar. Þá munu fulltrúar allra þingflokka halda stutta framsögu um stefnu síns stjórnmálaflokks í auðlindamálum. Að loknum framsögum verða pallborðsumræður með þátttöku framsögumanna.

Dagskrá ráðstefnunnar í Hörpu í salnum Rímu

9:00 Arnar Guðmundsson, formaður Auðlindastefnunefndar kynnir skýrsluna
9:30 Dr. Daði Már Kristófersson rýnir í tillögur nefndarinnar
10:00 Kaffihlé
10:15 Philip Daniel fjallar um leiðir við skattlagningu auðlinda
10:55 Fulltrúar þingflokka kynna sjónarmið sinna flokka
Eygló Harðardóttir Framsóknarflokki, Birgitta Jónsdóttir Hreyfingunni, Tryggvi Þór Herbertsson Sjálfstæðisflokki, Sigríður Ingibjörg Ingadóttir, Samfylkingunni og Bergur Sigurðsson frkvstj. Þingflokks VG.
11:30 Spurningar og umræður

Fundarstjóri er dr. Aðalheiður Jóhannsdóttir, prófessor við lagadeild Háskóla Íslands.