Fréttir


Viljayfirlýsing um samstarf Íslendinga og Breta í orkumálum undirrituð

1.6.2012

Oddný G Harðardóttir, iðnaðarráðherra og Charles Hendry, orkumálaráðherra Bretlands undirrituðu nú á dögunum í Hellisheiðarvirkjun viljayfirlýsingu um aukið samstarf ríkjanna á sviði orkumála og er sérstök áhersla lögð á hagnýtingu endurnýjanlegra orkugjafa.

Í viljayfirlýsingunni eru tilgreind sérstaklega fjögur svið sem ríkin leggja áherslu á:

  • Miðlun þekkingar og samvinna varðandi beislun jarðhita og uppbyggingu hitaveitna í Bretlandi.
  • Möguleikinn á lagningu rafmagnsstrengs milli Íslands og Bretlands skal kannaður með jákvæðum augum.
  • Vilji til að aðstoða þróunarlönd við að hagnýta endurnýjanlegar orkuauðlindir sínar. Sérstök áhersla skal lögð á ríki í Austur-Afríku.
  • Miðlun á þekkingu varðandi uppbyggingu á olíu- og gasiðnaði.

Frá þessu er greint á vefsíðu Iðnaðarráðuneytisins.